/p. 103/ nunc non accipit incrementum? I. C. – Hoc a me
negatur; semper enim fit incrementum, novae substantiae
appositione. Alex. – At si nova substantia a
fluvijs et ab imbribus quotidie apponitur, cur
in infinitum non excrescit et supra terram
exundat? I. C. – Quia per subterraneos commeatus
reddit fluminibus quod ex ijs accipit, quare
grata reciprocatione aquarum fit augmentum
et diminutio. Quae vero a pluvijs
aquarum copia suggeritur, a Solis vi exhauritur,
non tamen propterea mare fit pauperius,
nam iterum illi a Sole restituitur eadem
fere copia, neque ideo ditescit, quia denuo absumitur.
In exhalationibus etiam permagnum
aqua patitur detrimentum, ut cum pluviarum
accessu possit compensari. Aqua enim in aërem transmutatur,
cuius quantitas haud tota in aquam convertitur,
nec quae convertitur pars integra in
mare decidit, sed terram epotat. Alex. – Arridet
mihi profecto haec sententia. Sed, quaeso,
maris salsedinis causam investigemus. I.C . Ut libet.
DIALOGUS XIX.
De maris salsedine.
Alex. –
Qua de causa igitur mare salsum est?
I. C. – Aristoteles[5] salsedinis causam
intellexit siccae exhalationis materiam,
quae a terra est, quia in ijs, quae Natura fiunt aut generantur,
idem contingit, quod in exustionibus,